ბერძნული მედიის ინფორმაციით, პოლიციელთა ჯგუფები, სახელად “ΔΕΛΤΑ”, რომელიც ალექსის ციპრას მიერ 2015 წელს გაუქმდა, ათენის ქუჩებში შემოდგომიდან კვლავ მოგვევლინებიან.
ΔΕΛΤΑ-ს ოფიცრებმა მუშაობა პირველად 2009 წელს დაიწყეს, თუმცა, 2015 წელს შეწყვიტეს. მათ საქმიანობას უამრავი ადამიანი აკრიტიკებდა, ამბობდნენ, რომ დაცვის ნაცვლად, ქუჩებში დიდ პრობლემებს ქმნიდნენ და “დაბრმავებულები” მოქმედებდნენ.
გავრცელებული ინფორმაციით, 1 ნოემბრიდან ΔΕΛΤΑ-ს ჯგუფები მუშაობას აღადგენენ. აღნიშნული გადაწყვეტილება სამოქალაქო დაცვის მინისტრმა, მიხალის ხრისოხოიდისმა მიიღო.
მისი თქმით, ათენის ქუჩებში მეტი პოლიციელი უსაფრთხოების მაღალ ხარისხს განაპირობებს.
