სანტექნიკოსად მუშაობდა და პატიოსნად ცხოვრობდა – ალბანელს, რომელიც ნეა იონიაში მოკლეს, პოლიციასთან პრობლემა არასოდეს ჰქონია

გავრცელებული ინფორმაციით, 39 წლის ალბანელი მამაკაცის ცხედარი საკუთარმა ძმამ უკვე ამოიცნო, ისინი ერთად ცხოვრობდნენ. როგორც პოლიციის წყაროები იუწყებიან, ნეა იონიაში მოკლული ალბანელი მამაკაცი სანტექნიკოსად მუშაობდა და არასოდეს ჰქონია პრობლემები პოლიციასთან, პატიოსნად ცხოვრობდა და არ ჰქონია კრიმინალური წარსული.

პოლიცია აწარმოებს გამოძიებას, რათა დადგინდეს 7 გაქცეული ალბანელის ვინაობა და ადგილსამყოფელი, რომელთაც ცეცხლი გახსნეს და იარაღიდან გასროლილი 7 ტყვიიდან 1-მა სრულიად უდანაშაულო მამაკაცის სიცოცხლე იმსხვერპლა. ის არც კი იცნობდა მათ და არ მონაწილეობდა დაპირისპირებაზე, კაფეში მხოლოდ საფეხბურთო მატჩის საყურებლად იყო მისული.

ამას გარდა, გამოძიებამ დაადგინა, რომ ორი მანქანა, რომელიც კაფესთან იდგა, ნაქირავები იყო ყალბი დოკუმენტებით. ამავე წყაროებზე დაყრდნობით, პოლიცია გავიდა ერთ-ერთი დაჯგუფების კვალზე, რომლის წევრებიც ალბანელები არიან და დაკავებულები არიან ნარკოტიკებით ვაჭრობით, შესაბამისად, ამ დროისთვის მიმდინარეობს დეტალების დასადგენად.

დამნაშავეები მკვლელობის ადგილიდან ძვირადღირებული მანქანით გაიქცნენ.