დღეს გამთენიისას საბერძნეთში კიდევ ერთი ძლიერი მიწისძვრა დაფიქსირდა. კრეტაზე, კერძოდ, ირაკლიოში 5.2 ბალიანმა ბიძგმა საზოგადოება შეაშინა, ისე, როგორც ეს ათენში მოხდა.
გეოდინამიკური ინსტიტუტის ინფორმაციით, მიწისძვრის ეპიცენტრი ირაკლიოდან 23 კილომეტრში, ჩრდილო-დასავლეთით მდებარეობდა, სიღრმე კი 66 კილომეტრი იყო.
ამ დროისთვის ზარალზე ან დაშავებულებზე ინფორმაცია არ ვრცელდება, თუმცა, მიწისძვრამ მთელი კუნძული შეძრა.
