გავრცელებული ინფორმაციით, პეტრუპოლში დააკავეს ემიგრანტი 37 წლის ქალი, რომელსაც მძიმე ბრალდება წაუყენეს და 18 წლიანი პატიმრობა მიესაჯა.
არსებული ცნობებით, ქალს არალეგალი პირების საბერძნეთიდან სხვა ქვეყნების მიმართულებით გაგზავნა ედება ბრალად, რაშიც, ცხადია, დიდი რაოდენობის თანხას იღებდა. ის თანამზრახველებთან ერთად იყენებდა ნაქირავებ მანქანებს და არალეგალები პორტებში გადაჰყავდათ, საიდანაც იტალიასა და ცენტრალური და დასავლეთ ევროპის სხვა ქვეყნებში აგზავნიდა.
37 წლის ქალს, რომელიც რუმინეთიდან არის, გარდა 18 წლიანი პატიმრობისა, 50.000 ევროს ოდენობის ჯარიმაც შეუფარდეს.
