ანა ვისის და, ნიკი ვისი, მატის ხანძრის შემდეგაც კი, რომელმაც მისი სახლი, ფაქტობრივად, გაანადგურა, იქაურობას არ ტოვებს. როგორც ცნობილი მომღერლის და ამბობს, მისმა ოჯახმა სარდაფის შეკეთება და იქ ცხოვრება გადაწყვიტა: “გადავწყვიტეთ, არ წავსულიყავით, რადგან, ეს ადგილი ჩვენია.”
“ზამთარი ძალიან რთული იყო. წვიმაც კი პრობლემა იყო… პირველ დღეებში ანასთან წავედით, მაგრამ, შემდეგ ჩვენივე გადაწყვეტილებით, აქ დავრჩით. არ გვინდოდა წასვლა, აქ პატარა სამზარეულო მოვაწყვე, ჩემი ჭიქებითა და თეფშებით.
ჩვენ რეკონსტრუქციასთან დაკავშირებით განაცხადი შევიტანეთ, მაგრამ წინ არაფერი მიდის. განსაკუთრებით “წითელ” სახლებზე, ახალი არაფერია. ველოდებით თანხმობას ამ კომპენსაციაზე.
მათ, ვინც სახლს ქირაობს, ეს დახმარებაც კი არ მიუღიათ. ის 101 ადამიანი კი, ვინც დაიღუპა, არასოდეს უნდა დავივიწყოთ, ამ ადგილმა მათთვის უნდა იცოცხლოს.”
