ხვალიდან, 7 დეკემბრიდან, საბერძნეთში ამინდი მკვეთრად უარესდება და ზამთარი თავის სახეს უკვე გვიჩვენებს. ქვეყნის უმეტეს რეგიონში სუსხიანი ამინდი იქნება და მოსალოდნელია ნალექიც, წვიმის სახით.
ეროვნული მეტეოროლოგიური სამსახურის ინფორმაციით, ატიკის რეგიონში დღეს საღამოდან მოსალოდნელია წვიმა და გვიან ღამიდან ქარიც გაძლიერდება. ათენში იწვიმებს სამშაბათს დილამდე, ხოლო მაქსიმალური ტემპერატურა 16-17 გრადუსი დაფიქსირდება.
რაც შეეხება თესალონიკს, მოსალოდნელია ცვალებადი მოღრუბლულობა და წვიმა, ჰაერი კი 10-დან 13 გრადუსამდე გათბება.
ხვალიდან ტემპერატურა სეზონისთვის დამახასიათებელზე გაცილებით დაბალი იქნება.
