ათენში, საელჩომ საქართველოს მოქალაქის ცხედრის პოვნა განცხადებით დაადასტურა
სხვადასხვა ფეისბუქ ჯგუფებში, კერძოდ კი საბერძნეთში მასიურად გავრცელდა ინფორმაცია საქართველოს მოქალაქის გარდაცვალებასთან დაკავშირებით. გამომდინარე იქიდან რომ სხვადასხვა ვერსიები ვრცელდებოდა გარდაცვალების თაობაზე, საქართველოს საელჩომ ათენში ოფიციალური მიმართვა ამ წუთებში გაავრცელა:
გთავაზობთ საელჩოს განცხადებას უცვლელად:
“საზოგადოების მაღალი ინტერესის გათვალისწინებით, საბერძნეთში საქართველოს მოქალაქის ლ.ს-ს გარდაცვალების თაობაზე, გვსურს განვაცხადოთ შემდეგი:
საქართველოს საელჩოში მიმდინარე წლის 24 ოქტომბრამდე, მოქალაქე ლ.ს-ს გაუჩინარების ან/და გარდაცვალების თაობაზე, რაიმე სახის შეტყობინება არ შემოსულა, არც მისი ოჯახის წევრებისა და ნათესავების, არც საბერძნეთის პოლიციის, რომელიმე სამედცინო დაწესებულების, პროზექტურის ან დამკრძალავი ბიუროს მხრიდან.
მნიშვნელოვანია გავითვალსწინოთ, რომ საელჩო ავტომატურად არ იღებს ინფორმაციას პირის გარდაცვალების შესახებ თუ არ მოხდა აღნიშნულის თაობაზე ინფორმირება ზემოაღნიშნული პირების ან/და უწყებების მიერ.
მეორე დღეს, 25 ოქტომბერს, სოციალურ ქსელში გავრცელდა ინფორმაცია ლ.ს -ს შესაძლო გარდავცლაების თობაზე.
ინფორმაციის მიღებისთანვე, საქართველოს საელჩო და ყველა კომპეტენტური პირი ჩაერთო მოქალაქის ცხედრის მოძიებაში და კომუნიკაციაში იმყოფებოდნენ ნათესავთან.
იმავე საღამოს საელჩოს მიერ ატიკის რეგიონის ერთ-ერთ დამკრძლავ ბიუროში დადასტურდა ლ. ს-ს ცხედრის არსებობა და აღნიშნული ბიუროდან გამოთხოვილ იქნა შესაბამისი დოკუმენტაცია ცხედრის იდენტიფიცირების მიზნით.
ცხედრის პოვნის შესახებ ასევე, ეცნობა გარდაცვლილის ნათესავს, ხოლო 26 ოქტომბერს ოჯახთან შეთანხმებით დაიწყო გადასვენების პროცედურები.
საელჩო გარდაცვლილის ოჯახის წევრების ინტერესებისა და საკითხის მნიშვნელობიდან გამომდინარე, თავს იკავებს, გაასაჯაროვოს სხვა დეტალები.
ასევე, გვსურს გაცნობოთ, რომ მხოლოდ გასულ წელს საქართველოს საელჩოს ჩართულობით და საქართველოს სახელმწიფოს მიერ სრული დაფინანსებით უმოკლეს ვადებში გადასვენდა საქართველოს 62 მოქალაქე.