ათენის საჯარო ტრანსპორტის ხელმძღვანელობის განცხადებით, მეტროში საზოგადოებისთვის მნიშვნელოვანი და სასიამოვნო ცვლილებები იგეგმება, მომსახურების გასაუმჯობესებლად.
კონკრეტულად, ათენის მეტროში მატარებელი იმოძრავებს ყოველ 4 წუთში ერთხელ. სამინისტროს გადაწყვეტილებით, შეიცვლება განრიგი, რათა რეისებს შორის ინტერვალი შემცირდეს და მგზავრებს ნაკლები ლოდინი მოუწიოთ.
რაც შეეხება ზაფხულის თვეებს, მოძრაობის ინტერვალი 7-დან 10 წუთამდე იქნება, ამ დრომდე კი გაცილებით მეტი იყო.
უნდა აღინიშნოს, რომ მატარებლების უმრავლესობა, გარკვეული დაზიანებების გამო, ექსპლოატაციაში არ იმყოფება. როგორც “სტასი”-ს ხელმძღვანელობა იუწყება, 66-დან 24 მატარებელი შეაჩერეს, რადგან მათი საშუალებით გადაადგილება რისკებს შეიცავდა.
ასევე გახშირდება ელექტრო მატარებლის, ე.წ. ტრენოს მოძრაობის სიხშირეც.
