პოლიციელი ქალი გასაკვირი არავისთვის არის, თუმცა, ეს დამოკიდებულია იმაზე, თუ რა მოვლენების ეპიცენტრში ვართ. გუშინდელი დღე ათენისთვის ერთ-ერთი უმძიმესი იყო, როგორც ყოველ წელს, სწორედ ამიტომ არავინ ელოდა, რომ ტექნიკური უნივერსიტეტის ტერიტორიაზე, MAT-ის დანაყოფის რიგებში ქალი გამოჩნდებოდა.
პოლიციელი ქალები უმეტესად მუშაობენ, როგორც რიგითი ოფიცრები, რომლებიც ყოველდღიურად ქალაქის მასშტაბით პატრულირებენ. MAT-ის დანაყოფში კი ქალი ამ დრომდე არავის შეუნიშნავს, რადგან ამ ბრიგადებს უმეტესად ყველაზე რთული ეპიზოდების გამკლავება უწევთ და ხშირად ხდებიან თავდასხმის მსხვერპლი.
მიუხედავად ამ ყველაფრისა, გუშინ “პოლიტეხნიოს” დღესთან დაკავშირებით ქერა პოლიციელმა იქ მყოფების ყურადღება მიიპყრო.
