შეგახსენებთ, რომ დღეს საბერძნეთის ქალაქებში მოსალოდნელია აქციები ალექსის გრიგოროპულოს მკვლელობის მე-15 წლისთავთან დაკავშირებით. განსაკუთრებული მდგომარეობაა გამოცხადებული ათენში, სადაც დაკეტილია ორი მეტროსადგური.
09:00 საათის შემდეგ დაკეტილია “პანეპისტიმიუ”, ხოლო 11:00 საათის შემდეგ “მონასტირაკის” სადგური, ორივე მათგანში მატარებლები ჩაივლიან გაჩერების გარეშე, შესაბამისად, მოსახლეობამ უნდა გაითვალისწინოს, რომ ამ სადგურებით სარგებლობა არ არის შესაძლებელი.
დაგეგმილია საპროტესტო აქციები, რომლებიც იწყება 12:00 საათიდან და საღამომდე გაგრძელდება, შესაბამისად, პოლიციის მიერ ეტაპობრივად გაიცემა ბრძანებები, თუ რომელი გზები უნდა გადაიკეტოს აქციების მსხვლელობისთვის.
ათენში მობილიზებულები არიან ოფიცრები პოლიციის ყველა დანაყოფიდან, ექსარხიაში დგანან წყლის ჭავლის მანქანები.
