ეროვნული მეტეოროლოგიური სამსახური ავრცელებს ამინდის საგანგებო პროგნოზს, რომლის მიხედვითაც საბერძნეთში ხვალიდან ამინდი საგრძნობლად უარესდება.
ამავე წყაროზე დაყრდნობით, მოსალოდნელია ძლიერი ქარიშხალი, რომელსაც თან ახლდება წვიმა და ჭექა-ქუხილი. ფენომენი თავდაპირველად დასავლეთ საბერძნეთში გააქტიურდება და შესაძლოა ზიანი მოუტანოს იონიის ზღვის კუნძულებს და დასავლეთ პელოპონისოს.
ამინდის გაუარესება მოსალოდნელია ხვალ შუადღის საათებიდან და იონიის ზღვაში ქარის ძალა 7 ბალსაც მიაღწევს, ბუფორტის სკალით, ეგეოსის ზღვაზე კი 6 ბალი დაფიქსირდება.
ტემპერატურა ქვეყნის დასავლეთ ნაწილში მაქსიმუმ 26-28 გრადუსამდე აიწევს, ხოლო აღმოსავლეთით ჰაერი 28-30 გრადუსამდე გათბება.
მოსახლეობამ იონიის კუნძულებზე და პელოპონისოს ნაწილში განსაკუთრებული სიფრთხილე უნდა გამოიჩინოს ძლიერი წვიმის დროს.
