ნიკოს დენდია ლუქსემბურგში, საგარეო საქმეთა საბჭოს სხდომაზე დასასწრებად იმყოფება. მან შესვლისას მედიასთან ისაუბრა და კიდევ ერთხელ დააფიქსირა უკრაინისადმი მკაფიო მხარდაჭერა.
მინისტრმა განაცხადა, რომ აუცილებლად ისაუბრებდა კოლეგებთან 3 აპრილს ოდესაში ვიზიტსა და საბერძნეთის ძალისხმევაზე, რომელსაც იჩენს უკრაინელი და ბერძენი ხალხისთვის ჰუმანიტარული დახმარების მისაწოდებლად, ასევე სურვილზე, რომ იგივე განახორციელოს მარიუპოლშიც, თუმცა, რუსეთი ამის საშუალებას არ იძლევა.
“უკრაინის კრიზისი არის კრიზისი, რომელიც ეხება ჩვენს ძირითად პრინციპებს, დემოკრატიას, ტერიტორიულ მთლიანობას და ადამიანის უფლებებს. ჩვენ უნდა დავიკავოთ მკაფიო პოზიციები ყველა ფრონტზე,” აცხადებს მინისტრი.
დენდია აქტიურად მუშაობს უკრაინაში ბერძნული საზოგადოების დაცვისთვის, რაც საკმაოდ რთულია რუსული აგრესიის პირობებში.
