ბერძნული მედიის ინფორმაციით, ტრაგედია დრამაში მოხდა, სადაც მატარებელმა სამი ადამიანის სიცოცხლე შეიწირა.
როგორც ირკვევა, საუბარია სამ არალეგალ ემიგრანტზე, რომელთაც, სავარაუდოდ, რელსებზე ეძინათ და სწორედ ამ დროს გამოიარა მატარებელმა, რომელიც დრამა-თესალონიკის რეისს ასრულებდა.
ადგილობრივი მედია იუწყება, რომ ემიგრანტებმა სასიკვდილო დაზიანებები მიიღეს და მათი გადარჩენა ვერ მოხერხდა.
საქმეზე წინასწარ გამოძიებას საგზაო პოლიციის დეპარტამენტი აწარმოებს.
