რასისტული კომენტარის გამო ტელეკომპანია ΕΡΤ-მა დიმოსთენის კარმირი სამსახურიდან გაათავისუფლა
ცნობილი ჟურნალისტის, დიმოსთენის კარმირის თანამშრომლობა ტელეკომპანია ΕΡΤ1-თან შეწყდა. ეს გადაწყვეტილება თავად ტელეკომპანიამ მიიღო მას შემდეგ, რაც ჟურნალისტმა პირდაპირ ეთერში რასისტული კომენტარი გააკეთა.
მან კორეელებზე თქვა, რომ ისინი მაგიდის ჩოგბურთს (პინგ-პონგს) არ თამაშობენ, რადგან ვიწრო თვალების გამო არ შეუძლიათ ბურთის მოძრაობას ადევნონ თვალი.
კარმირი ტელეკომპანიის ხელმძღვანელობამ სამსახურიდან დაუყოვნებლივ გაათავისუფლა:
“რასიზმს საზოგადოებრივ ტელევიზიაში ადგილი არ აქვს. დიმოსთენის კარმირის თანამშრომლობა ΕΡΤ1-თან შეწყდა, დილიდან გადაცემის გასვლის შემდეგ დაუყოვნებლივ,” ნათქვამია განცხადებაში.
Ανοίγεις τιβί πρωινιάτικα, γύρω στις 7 παρά 20 και πετυχαίνεις αυτό. 🤦♂️ pic.twitter.com/JIOKUIMcJn
— Vangelis 💉💉 (@HELL_B0Y) July 27, 2021