ბერძნული მედიის ინფორმაციით, გამოცხადდა ტენდერი, რომელიც ათენის მეტროს მატარებლების ახლებით ჩანაცვლებას გულისხმობს და უახლოეს მომავალში მგზავრებს თანამედროვე ვაგონები უნდა მოემსახურონ, რომლებიც სრულიად განსხვავდება იმისგან, რაც დღეს გვაქვს.
საუბარია მე-4 თაობის მატარებლებზე, რომლებიც მომდევნო წლების მანძილზე უნდა განთავსდნენ მეტროს მე-3 ხაზზე, “დიმოტიკო თეატრო-აეროპორტი” და შეცვლიან იმ მატარებლებს, რომლებიც უკვე “დაძველებას” იწყებენ. მატარებლები ათენის მეტროში ბოლოს 15 წლის წინ შეიცვალა.
ათენის მეტროს ტენდერი გულისხმობს ახალი თაობის 7 მატარებელს, რომელთაც ექნებათ ორმაგი ელექტრიფიკაცია, ორმაგი სიგნალიზაცია და ტელეკომუნიკაციის განახლებული სისტემა. 1 მატარებელი შედგება 6 ვაგონისგან, ჯამში სიგრძე 106 მეტრს შეადგენს და 1.030 მგზავრის დატევა შეუძლია.
როგორც ცნობილი გახდა, მათი ღირებულება 187,24 მილიონი ევროა, რადგან მუშაობენ სპეციალური ტექნოლოგიით და იყენებენ ელექტროძრავის ორ სისტემას.
