საბერძნეთში მძვინვარე ხანძრები მსოფლიო მედიის აქტიური განხილვის თემაა. ამჟამად ყველაზე რთული მდგომარეობაა მიტილინზე, სადაც იწვის სახლები, მიმდინარეობს ხალხის ევაკუაცია, ტურისტები კი იქაურობას ტოვებენ.
კვამლი, რომელსაც ცეცხლი იწვევს, კიკლადესის კუნძულებამდეა მისული.
ბოლო 24 საათში საბერძნეთში ტყის 53 ხანძარი გაჩნდა და სამოქალაქო დაცვის სამინისტროს ინფორმაციით, საკმაოდ მაღალია ხანძრის რისკები ხვალ, 24 ივლისსაც.
