უზარმაზარი საკრუიზო გემი, “Mein Schiff 6”, პირეას პორტში უკვე რამდენიმე საათია რაც დგას. ვრცელდებოდა ინფორმაცია, რომ ბორტზე იმყოფებოდა კორონავირუსით ინფიცირებული 12 ადამიანი, ვინაიდან კუნძულ კრეტაზე ჩატარებული ტესტებით მათ ვირუსი დაუდასტურდათ.
დღეს დილიდან, 07:30 საათიდან, ბორტზე ΕΟΔΥ-ს წარმომადგენლები ავიდნენ და განმეორებითი ტესტები ჩაატარეს, პასუხები კი, ყველა უარყოფითია. უჩვეულოა, მაგრამ ამ პირებს ვირუსი ჯერ დაუდასტურდათ, ხოლო შემდეგ დიაგნოზი განულდა.
გამომდინარე აქედან საკრუიზო ხომალდი საკუთარ მარშრუტს გააგრძელებს და კორფუს მიმართულებით გაემგზავრება.
