ხორცის ნაჭრების რაოდენობა, რომლებიც “ციკნოპემპტის” დღეს თესალონიკში შეიწვა, 3 მილიონზე მეტია. საბერძნეთის მეორე დედაქალაქში ეს დღე განსაკუთრებულად აღნიშნეს და ხორცის შეწვას თან ახლდა მუსიკაც, ვინაიდან ქვეყანაში შემზღუდველი ზომები გაცილებით შემსუბუქებულია.
როგორც მედია იუწყება, გასულ წელთან შედარებით, ახლა ხორცის მაღაზიებში მიმართვიანობა 50%-ით მეტი იყო, სადღესასწაულო განწყობა კი, გაცილებით მაღალი.
თესალონიკში ქუჩებთან ერთად სავსე იყო რესტორნებიც, სადაც ადგილები წინასწარ იყო დაჯავშნული და მიმართვიანობა არ წყდებოდა შუადღიდან გვიან საღამომდე.
