ტრანსპორტის გაფიცვა ხვალ ათენში – ყველაფერი, რაც უნდა ვიცოდეთ
ბერძნული მედიის ინფორმაციით, ხვალ, 16 ივნისს, ათენში საჯარო ტრანსპორტი იფიცება.
კერძოდ, 24 საათის მანძილზე არ იმუშავებს მეტროს მე-2 და მე-3 ხაზი.
რაც შეეხება, ავტობუსებს, ისინი იმუშავებენ მხოლოდ დილის 09:00 საათიდან საღამოს 21:00 საათამდე.
ტროლეიბუსები და მეტროს 1-ლი ხაზი, ანუ ელექტრო მატარებელი (ტრენო) იმუშავებს ჩვეულ რეჟიმში.
ტრანსპორტის თანამშრომლები შრომის ახალ კანონპროექტს აპროტესტებენ და აქცია საღამოს 08:00 საათისთვის არის დაგეგმილი.