გუშინ აკროპოლზე მომხდარ ინციდენტთან დაკავშირებით ახალი დეტალები ვრცელდება. ამ დრომდე ცნობილი იყო, რომ დაშავებულებს ძალიან მსუბუქი დაზიანებები ჰქონდათ, თუმცა, თვითმხილველთა ჩვენებებიდან ირკვევა, რომ მათი თავგადასავალი საკმაოდ მძიმე იყო.
ორი ტურისტი ჰყვება, თუ რა ხდებოდა იმ მომენტში, როცა პართენონას ტერიტორიაზე მეხი დაეცა:
“სულ სისხლიანი იყო. თმა დამწვარი ჰქონდა და წამოდგომას ცდილობდა,” საუბარია თანამშრომელ ქალზე, რომელმაც აკროპოლზე მუშაობა სულ ახლახანს დაიწყო და 8 თვიანი კონტრაქტი აქვს გაფორმებული.
“სინათლემ დამარტყა. წვიმდა… არც კი ვიცი როგორ გამოვედი გარეთ, ჩინელი ბიჭი დამეხმარა. დამწვარი ვარ,” ამბობს ის.
ტურისტები ასევე ჰყვებიან, რომ მეხის დაცემისას კლდეებიც კი ჩამოიშალა.
