ახალგაზრდა ქალის, იოანა პალიოსპირუს ცხოვრება 2020 წლის 20 მაისის შემდეგ დრამატულად შეიცვალა. მას შემდეგ, რაც საკუთარ სამსახურთან მჟავა შეასხეს, სახის 93% დაეწვა და მჟავის გარკვეული რაოდენობა ხელებზეც მოხვდა.
დანაშაულის ჩამდენი არის ქალი, რომელსაც იოანას მიმართ ძლიერი შური ჰქონდა და უთვალთვალებდა დიდი დროის მანძილზე, არჩევდა სწორ მომენტს, რომ მას ფიზიკურად გასწორებოდა და თან შეუმჩნეველი დარჩენილიყო. ის გასული წლის ივნისში დააპატიმრეს.
ირკვევა, რომ მან ჟურნალს, OK!, ინტერვიუ მისცა და ამავე წყაროს მიერ ვრცელდება პირველი ფოტო, თუ როგორ გამოიყიურება იოანა თავდასხმის შემდეგ. ცხადია, მას გაკეთებული აქვს რამდენიმე ოპერაცია და ურთულესი გზა გაიარა, რომ აქამდე მოსულიყო.
ახალგაზრდა ქალი ინტერვიუში ამბობს, რომ სანამ ბრალდებულს დააკავებდნენ, შიშით ცხოვრობდა, რომ იპოვიდა და მოკლავდა, რადგან მისი მიზანი სწორედ ეს იყო.
