13 დეკემბრიდან საბერძნეთში ვაჭრობა დასაშვები ხდება Click Away-ს მეთოდით, რაც ნიშნავს, რომ კლიენტმა ტელეფონის ან ინტერნეტის საშუალებით უნდა შეუკვეთოს სასურველი პროდუქტი, ხოლო შემდეგ კონკრეტულად დანიშნულ დროს მივიდეს მაღაზიასთან, რომ შეკვეთა წამოიღოს.
წესები, რომლებიც ვაჭრობის აღნიშნულ მეთოდს ახლავს თან, შემდეგია:
მაღაზიის თანამშრომლები ვალდებულნი არიან დანიშნონ კონკრეტული დრო თითოეული კლიენტის მისვლისთვის და აწარმოონ ბაზა, სადაც აღნიშნული იქნება დღის მანძილზე შესრულებული ვიზიტები. ეს საჭიროა შემდგომში აუდიტის სამსახურის მიერ შემოწმების ჩასატარებლად.
თითოეული მომხმარებლის მხრიდან ლოდინი არ უნდა აღემატებოდეს 10 წუთს, წინააღმდეგ შემთხვევაში მაღაზია დაჯარიმდება კანონდარღვევის შესაბამისად.
მომხმარებლებს უნდა ჰქონდეთ გაგზავნილი SMS ციფრით 2 და ასევე, თან უნდა ჰქონდეთ შენაძენის ქვითარი.
შეკვეთის აღება მოხდება მაღაზიის გარეთ, გადახდა კი ბარათით, ან წინასწარ ან ადგილზე, აპარატით (POS).
“რიგში”, რომელიც მაღაზიის გარეთ შეიძლება იყოს, არ უნდა იდგეს 9 ადამიანზე მეტი და მათ შორის აუცილებლად უნდა იყოს დაცული დისტანცია, 2 მეტრი.
