სოტირის ციოდრასის მიერ გავრცელებული სასიხარულო ინფორმაციით, დღეს საბერძნეთში კორონავირუსით ინფიცირების მხოლოდ 3 ახალი შემთხვევა ფიქსირდება.
დღეს გარდაიცვალა 2 პაციენტი, რამაც საბერძნეთში კორონავირუსის მსხვერპლთა რიცხვი 168-მდე გაზარდა.
98 პაციენტმა გამოჯანმრთელება და რეანიმაციული განყოფილებიდან გამოსვლა შეძლო, ხოლო ამ დრომდე მართვით სუნთქვაზე მხოლოდ 21 ადამიანი რჩება.
სოტირის ციოდრასმა ხაზგასმით აღნიშნა, რომ ვირუსით დაინციფირების 99,7% მოდის დახურულ სივრცეებზე. ანუ ვირუსით დაინფიცირება ხდება ძირითადად დახურულ სივრცეში და არა გარეთ.
საბერძნეთი 15 ივნისიდან საზღვრებს 19 ქვეყანასთან ხსნის, ხოლო 1 ივლისიდან ყველა ქვეყანასთან მიმოსვლის აღდგენა იგეგმება.
