“ბერძნებო, ნუ ეხუმრებით თურქეთს, გახსენით საზღვრები!” – ერდოღანის მუქარა საბერძნეთს

8 მარტს თურქეთის პრეზიდენტიმა, რეჯეფ ტაიპ ერდოღანმა კიდევ ერთი პროვოკაციული და მუქარის შემცველი მესიჯები გაუგზავნა საბერძნეთს:

“ბერძნებო, ნუ ეხუმრებით თურქეთს, თორემ, ეს არ შედის თქვენს ინტერესებში. მოგიწოდებთ, გახსნათ საზღვრები, ეს ხალხი არ დარჩება თქვენთან. მიეცით მათ ნება, წავიდნენ ევროპის სხვა ქვეყნებში. ჩვენ გითხარით და გაგაფრთხილეთ, მაგრამ არ დაიჯერეთ, რომ გავხსნიდით საზღვრებს. 

საბერძნეთი ყველანაირი გზით ცდილობს, შეაჩეროს იმიგრანტთა ნაკადები. აბრუნებენ ნავებს, ძალადობენ მათზე. და ამ არაადამიანური ქცევის საპასუხოდ, ევროპა არა გმობს ამ ყველაფერს, არამედ მხარსაც კი უჭერს მათ. ჩვენ, როგორც თურქეთი, გავაგრძელებთ ამ დანაშაულის გმობას და საერთაშორისო დონეზე დავუჭერთ მხარს დაჩაგრულთა უფლებების დაცვას.”

ერდოღანი საბერძნეთს იმიგრანტების მიმართ ძალადობაში კვლავ ადანაშაულებს.