ევიაში ხანძარი კვლავ მასშტაბურია და უკონტროლოდ მიემართება სამხრეთით. ირკვევა, რომ გაიცა ბრძანება მომხდარიყო ოთხი დასახლების ევაკუაცია. დაუყოვნებლივ გაიყვანეს პეფკის, არტემისიოს, ვულიკისა და გუვეს ტერიტორიების მაცხოვრებლები.
აღნიშნულ ადგილას არის უზარმაზარი კერა, რომლის შესაკავებლად სახანძრო სამსახური ტიტანურ შრომას სწევს.
ადგილობრივი ხელისუფლების წარმომადგენლები აცხადებენ, რომ ვითარება განსაკუთრებით რთულია ჩრდილოეთით და ცეცხლი სოფლებს უახლოვდება. სწორედ ამიტომ მიმდინარეობს მუშაობა, რომ სამხრეთისკენ არ გავრცელდეს.
