ჯანდაცვის სამინისტროს მიერ გავრცელებული ინფორმაციით, საბერძნეთში დღეს კორონავირუსით ინფიცირების მხოლოდ 17 ახალი შემთხვევა ფიქსირდება. საერთი ჯამში ქვეყანა 2.224 დაავადებულს ითვლის, აქედან 56% მამაკაცია.
რეანიმაციულ განყოფილებაში, მართვით სუნთქვაზე 71 პაციენტია გადაყვანილი. მათი საშუალო ასაკი 67 წელია. 14 ქალია, ხოლო დანარჩენი მამაკაცი. 83.1%-ს აღენიშნება ქრონიკული დაავადებები.
ბერძენი ექიმების ძალისხმევით რეანიმაციული განყოფილებიდან 35 ადამიანი გამოვიდა და მათი მდგომარეობა გაუმჯობესდა.
საბერძნეთში დღეს კიდევ 3 ადამიანი გარდაიცვალა, რამაც კორონავირუსის მსხვერპლთა რიცხვი 108-მდე გაზარდა.
ქვეყანა დიდი წარმატებით მიდის ვირუსთან ბრძოლაში და როგორც უკვე მრავალჯერ ითქვა, ლიდერია ევროპაში მიღებული ზომების ეფექტურობის თვალსაზრისით.
