43 წლის მამაკაცის აღიარებები და ცინიზმი, რომლის გამოც 14 წლის გოგონამ სიცოცხლე თვითმკვლელობით დაასრულა, პოლიციისთვისაც კი ძალიან მძიმე მოსასმენი აღმოჩნდა. მაღაზია, სადაც მან მოზარდი პირველად გაიცნო, სწორედ მას ეკუთვნის.
“ამ გოგოსთან სასიყვარულო ურთიერთობა მქონდა. რა თქმა უნდა, მისი სურვილით. ეს მას უნდოდა. მე მისი ნდობა მოვიპოვე და შევუყვარდი,” ამბობს ის აღიარებით ჩვენებაში.
გამოძიების შედეგად დადგინდა, რომ 2017-2018 წლებში მან მსგავსი ირიბი ძალადობა სხვა მოზარდზეც განახორციელა, რომელიც ასევე 14 წლის იყო. არსებული ვარაუდით, ეს გოგონა მისი შვილის მეგობარი იყო.
