დევიზი – მოახდინოს ცვლილებები. თამთას კოლექციის ჩვენება, რომელიც საბერძნეთში ცნობილ ბრენდ “attrattivo”-სთან თანამშრომლობით გამოუშვა, უკვე შედგა. ქართველმა მომღერალმა სამოსი შექმნა იმისთვის, რომ ნებისმიერმა გოგონამ მოდა სხვა თვალით დაინახოს.
კოლექციის ძირითადი მიმართულებაა 1980-იანი წლები, რომელიც მოიცავს უამრავ არაჩვეულებრივ ტრენდს, რაც ტანსაცმელს განსაკუთრებულობას სძენს.
თამთა, რომელსაც საუკეთესო სტილის მქონე ქალს ხშირად უწოდებენ, ამბობს, რომ სურს, შეცვალოს არა მხოლოდ ჩაცმასთან დაკავშირებული ქცევა, არამედ თავად აზროვნება.
სამოსი გაყიდვაშია საბერძნეთსა და კვიპროსში “attrattivo”-ს ყველა ფილიალში, ასევე, ოფიციალურ ვებ-გვერდზე, სადაც შესაძლებელია ონლაინ შეძენა, www.attrattivo.gr
