საქართველოს საელჩოს წარმომადგენელი ათენის 50-ე სკოლაში მიმდინარე ქართულის გაკვეთილებს დაესწრო
საქართველოს საელჩოს წარმომადგენელი მაია დევაძე 2017 წლის 11 მაისს დაესწრო ქართული ენის სწავლების საპილოტე პროგრამის ფარგლებში, ათენის 50-ე საჯარო სკოლაში მიმდინარე ქართული ენის გაკვეთილებს.
სკოლაში მოღვაწე ქართველი მასწავლებლების ქ-ნი მადონა ჯავახიშვილისა და ქ-ნი ხათუნა ლობჟანიძის ინფორმაციით, ქართული ენის გაკვეთილები აქტიურად ტარდება და ბავშვები წარმატებით ეუფლებიან ქართულ ენას.
საელჩოს წარმომადგენლის სკოლაში განხორციელებული ვიზიტის ფარგლებში, გაიმართა შეხვედრა სკოლის დირექტორთან ბ-ნ ევანგელოს მოკოსთან, რომელსაც სკოლის ბიბლიოთეკისათვის გადაეცა ილუსტრირებული წიგნი – „საქართველოს ისტორია ბავშვებისათვის“.
საბერძნეთის 50-ე საჯარო სკოლის დირექტორის ინფორმაციით, იქიდან გამომდინარე, რომ ქართული ენის გაკვეთილები წარმატებით მიმდინარეობს, ახალი სასწავლო წლის დასაწყისიდან სკოლის ადმინისტრაცია გამოხატავს მზადყოფნას, მიიღოს ქართული ენის შესწავლის სურვილის მქონე ნებისმიერი სხვა სკოლის მოსწავლეებიც.