შრომის სამინისტროს წარმომადგენელთა ოფიციალური ინფორმაციით, საბერძნეთში 2019 წლის 1 თებერვლიდან მინიმალური ხელფასი იზრდება. ამის შესახებ ანდრეას ნეფელუდისმა რადიოში საუბრისას განაცხადა.
იანვრის ბოლოს ფორმალური პროცესები დასრულდება და საბოლოო გადაწყვეტილება მიიღება.
საბერძნეთში ლეგალურად დასაქმებული 550,000 პირი თებერვლის თვის ხელფასს გაზრდილი რაოდენობით მიიღებს.
შეგახსენებთ, რომ ეკონომიკური კრიზისის პერიოდში საბერძნეთში მინიმალური ხელფასი 586 ევრომდე დაეცა და ამ დრომდე ასე რჩებოდა.
ვინაიდან, ქვეყანა ნელ-ნელა წინ მიიწევს, ეს ყველაფერი მოსახლეობის ჯიბეზეც აისახება, რაც ნიშნავს, რომ მათი საარსებო მინიმუმი დაახლოებით 630 ევრომდე გაიზრდება.
