32 წლის ალბანეთის მოქალაქე, რომელმაც ცნობილი ადვოკატი, მიხალის ზაფიროპულო იმსხვერპლა, პოლიციამ პატრასში დააკავა. საქმეში მონწილეობს სულ ხუთი ალბანელი, სამი მათგანი ციხეში იმყოფება. მათ ზაფიროპულო მოკლეს იმიტომ, რომ შანტაჟის გზით 5 მილიონი ევრო მიეღოთ.
32 წლის ალბანელმა, რომელიც დღეს დილით აიყვანეს, ადვოკატის მკვლელობა აღიარა.
ის პატრასში, ასკლეპიოს ქუჩაზე მკვლელობიდან 20 დღის მანძილზე იმალებოდა. მას ზაფიროპულოს მკვლელობა ციხიდან შეუკვეთეს. მისი თქმით, სამმა ალბანელმა, რომლებსაც ის ციხეში შეხვდა, დაავალეს, რომ ზაფიროპულოს დამუქრებოდა, შემდეგ კი მკვლელობა შეუკვეთეს, რომელიც Energa-ს საქმესთან იყო დაკავშირებული.
ასევე ვრცელდება მეორე ალბანელის ფოტო, რომელიც მკვლელობის დროს ადგილზე იმყოფებოდა. ის დანაშაულის ჩადენიდან მეორე დღეს სამშობლოში დაბრუნდა.
