საბერძნეთის მოსახლეობის ნაწილი ჯერ კიდევ ვერ იჯერებს, რომ ელექტრო ენერგიის ქვითარში აღნიშნული თანხის რაოდენობა ბევრად აღემატება იმას, რაც მათ რეალურად დახარჯეს. ფაქტობრივად, გადასახადი, რომელიც საბოლოო ჯამში მომხმარებელმა უნდა გადაიხადოს, არ მოიცავს მხოლოდ მის მიერ დახარჯული კილოვატების საფასურს, არამედ შეკრებილია კიდევ რამდენიმე გადასახადი.
protothema.gr-ის ერთ-ერთი მკითხველის მიერ მოწოდებული ქვითარი ცხადყოფს, რომ მან რეალურად 17 ევროს ღირებულების დენი მოიხმარა, თუმცა, საბოლოო ჯამში 113 ევრო უნდა გადაიხადოს.
რა თქმა უნდა, ეს არ ეხება მხოლოდ კონკრეტულ პირს, იგივე ხდება თითოეული მომხმარებლის შემთხვევაში.
