იმ შემთხვევაში, თუ ადრესატს უკვე მისწერეთ და გსურთ მან გაგზავნილი შეტყობინება ვერ წაიკითხოს, ამისთვის შემდეგ ინსტრუქციას უნდა მიჰყვეთ:
– გახსენით Facebook Messenger-ის აპლიკაცია სმარტფონზე ან კომპიუტერზე.
– შედით ნებისმიერ მიმოწერაში, სადაც შეტყობინების წაშლა გსურთ.
– დიდხანს დააჭირეთ შეტყობინებაზე, ან მონიშნეთ გზავნილი მის გვერდით არსებული სამი წერტილით.
– დააკლიკეთ წაშლის (remove) ღილაკს. ის მხოლოდ თქვენთვის წაიშლება.
– ღილაკზე remove for everyone (წაშალე ყველასთვის) ბრძანების მიცემით გაგზავნილი შეტყობინება ორივესთვის უხილავი გახდება. ამისთვის კი გაგზავნიდან მომხმარებელს მხოლოდ 10 წუთი აქვს დრო.
სიახლის გამოსაცდელად სმარტფონზე Facebook Messenger-ის აპლიკაციის ბოლო ვერსია უნდა იყოს მომართული.
Facebook-მა ჩატში გაგზავნილი შეტყობინებების წაშლის შესაძლებლობის შესახებ დაახლოებით ერთი წლის წინ განაცხადა. სიახლის შესახებ მას შემდეგ გახდა ცნობილი, რაც გაირკვა, რომ Facebook-ის დამფუძნებელ მარკ ცუკერბერგს და სოცქსელის სხვა ხელმძღვანელებს ისე შეეძლოთ თავისი შეტყობინებების წაშლა ჩატიდან, რომ ისინი აღარ შენახულიყო მიმოწერის სხვა მონაწილეებისათვის.
