ოფიციალური ინფორმაციით, კვიპროსულმა ტელევიზიამ შეხვედრა დანიშნა თამთასთან, რათა არჩევანი გააკეთოს იმ სიმღერებს შორის, რომლებიც კონკურსისთვის არის შერჩეული. სავარაუდოდ, ის ისრაელში ევროვიზია 2019-ზე, კვიპროსის სახელით იმღერებს.
იანის პულოპულოს განცხადებით, ტელევიზიის ხელმძღვანელობა დაუკავშირდა თამთას წარმომადგენლებს და შეხვედრა ოფიციალურად დანიშნეს. თამთა მიიწვიეს, რათა მოისმინოს სამი სიმღერა. სამივე მათგანი შეიქმნა აღნიშნული კონკურსისთვის და მომღერალმა სწორედ ამ სიმღერებიდან უნდა აირჩიოს ერთ-ერთი, რომელიც მას ყველაზე მეტად მოეწონება.
