ბერძნული ტურისტული სააგენტოების ინფორმაციით, მათი პაკეტების თითქმის 100% გაყიდულია. გარდა ამისა, წელს საშობაო დანიშნულებებზე მოთხოვნა 25%-ით გაიზარდა, გასულ წელთან შედარებით.
სად მიდიან ბერძნები შობა-ახალ წელს?!
როგორც აღმოჩნდა, ყველაზე მოთხოვნადი ადგილი საშობაო დღეების გასატარებლად კალავრიტაა. მსურველები ძირითადად ირჩევენ 5 დღიან პაკეტებს.
ასევე პოპულარულია პატრასი და ნავპაქტოსი, რომელსაც ეკონომიკურმა კრიზისმა ვერაფერი დააკლო.
ისინი, ვისაც ძირითადად სათხილამურო კურორტები იზიდავს, ირჩევენ კალავრიტას. ყოფილა დღეებიც, როცა მხოლოდ 24 საათში 15, 000-მა ადამიანმა გამოთქვა სურვილი აღნიშნულ კურორტზე წასასვლელად.
თუმცა, აქვე უნდა აღინიშნოს, რომ ათასობით ბერძენმა შეიძინა სამოგზაურო პაკეტი საზღვარგარეთ წასასვლელად, თუმცა, უმეტესობა საკუთარ სოფელსა და შიდა კურორტებზე აპირებს წლის ულამაზეს დღესასწაულთან შეხვედრას.
