შეგახსენებთ, რომ სახელმწიფოსგან სოციალური დახმარების მიღება შეუძლიათ არა მხოლოდ საბერძნეთის მოქალაქეებს, არამედ მათაც, ვინც ქვეყანაში ლეგალურად ცხოვრობს და აკმაყოფილებს გარკვეულ კრიტერიუმებს. თუმცა, დრო შეზღუდულია!
ბოლო ვადა, რომლის ფარგლებშიც განაცხადი უნდა შეავსოთ დამოუკიდებლად ვებ-გვერდზე https://www.koinonikomerisma.gr/ ან თქვენი ბუღალტრის მეშვეობით, არის 21 დეკემბერი. ამრიგად, ამისთვის 48 საათზე მეტი გაქვთ.
ამ დროისთვის არსებული ინფორმაციით, 1, 600, 000-მა ბერძენმა შეავსო განაცხადი, რაც ნაღდი ფულის სახით 750 მილიონ ევროა.
ასევე, აღსანიშნავია, რომ მათ, ვისაც რეგისტრაციისას გარკვეული პრობლემები აღმოაჩნდათ, შეუძლიათ განაცხადი თავიდან შეავსონ. მათი შემთხვევები იქნება გამონაკლისი და 21 დეკემბრის შემდეგ, ბაზის დახურვის მიუხედავადაც მიიღებენ კუთვნილ თანხას.
