რამდენიმე წუთის წინ გავრცელებული ინფორმაციით, გაუარესებული ამინდის, კერძოდ კი, ძლიერი ქარის გამო, ატიკის რეგიონში ელექტრო ენერგიის მიწოდებასთან დაკავშირებით სერიოზული პრობლემები შეიქმნა.
ბოლო რამდენიმე საათია, რაც რამდენიმე უბანში დენი გაითიშა.
სახანძრო სამსახური იუწყება, რომ მათ მიიღეს 10 ზარი, დენის უეცარი გათიშვის გამო, ლიფტებში გაჭედვასთან დაკავშირებით. ათივე ზარი სახანძროში ათენის ცენტრიდან შევიდა. ადგილზე მისვლისას მათ ხალხი ლიფტებიდან ამოიყვანეს.
