არისტოტლე ონასის გარდაცვალებიდან ზუსტად 44 წლის შემდეგ მისი ყოფილი კუნძული სკორპიო ნამდვილ სამშენებლო ციებ-ცხელებაშია. როგორც ცნობილია, ლეგენდარული კუნძული ახლა დიმიტრი რიბოლოვლევის საკუთრებაშია, რომელმაც გადაწყვიტა, საოცარი გარემო მაქსიმალურად მიმზიდველი და თანამედროვე კურორტი გახადოს. მილიარდელი ამ ყველაფერში 165 მილიონი ევროს დაბანდებას აპირებს.
როგორც გავრცელებული ფოტოებიდან ჩანს, კუნძულმა სახე უკვე იცვალა და მიმდინარეობს სამშენებლო სამუშაოები.
წინასწარი ვარაუდებით, სკორპიო იონიის ზღვაში ტურიზმის განვითარებას შეუწყობს ხელს და უფრო მეტიც, ის გახდება, სავარაუდოდ, ნომერ პირველი დასასვენებელი ადგილი, თუმცა მხოლოდ მილიონრებისთვის.
