ტურიზმის ინდუსტრიის ექსპერტების აზრით, საბერძნეთი არის ქვეყანა, რომელსაც სტუმრობენ მაშინაც, როცა ტურისტული სეზონი დასრულებულად ითვლება.
განსაკუთრებით აღსანიშნავია რუსი ტურისტები, რომელთათვის საბერძნეთი ესპანეთთან, ბულგარეთთან, ტუნისთან და მაროკოსთან ერთად, ერთ-ერთი ყველაზე მიმზიდველი ქვეყანაა. თუმცა, ამ ქვეყნებიდან მხოლოდ საბერძნეთი დ ესპანეთი ინარჩუნებს მოწინავე პოზიციებს.
ტურიზმის ინდუსტრიის წარმომადგენლები აღნიშნავენ, რომ საბერძნეთი ტურისტული პროდუქციის გაყიდვების თვალსაზრისით პირველია. ეს კი არ გამომდინარეობს მხოლოდ არაჩვეულებრივი კლიმატური პირობებიდან. საბერძნეთი ტურისტებს კონკურენტუნარიან ფასებს და კლიენტზე სრულ ორიენტირებას სთავაზობს, ასევე ხანგრძლივ საცურაო სეზონს.
