ყველაზე თანამედროვე კაფეები ათენში
ყველაფერი ათენის სახურავებით დაიწყო, რომლებიც ერთმანეთის მიყოლებით იქცა საზაფხულო კაფე-ბარებად.
ამჯერად კი წარმოგიდგენთ მყუდრო კაფე-ბარებს, რომლებიც ეზოებშია განლაგებული.
Fairytale – ნეა ფილადელფია
მყუდრო ატმოსფერო, რომელშიც შეგიძლიათ მიირთვათ ნებისმიერი სახეობის ყავა და ტკბილეული. ის ბავშვობაში დაგაბრუნებთ.
Αυλή – კუკაკი
ფერადი და საყვარელი გარემო, ძველი სახლის ეზოში. აქ ყველაფერი ისეა, როგორც სახლში. შეგიძლიათ დილით მიირთვათ ყავა, შუადღეს ლანჩი, ხოლო საღამოს კოქტეილი შეუკვეთოთ.
Artisanal – კიფისია
ფრანგული გარემო ათენის ჩრდილოეთით – ლამაზი ნეოკლასიკური დეკორი. შეგიძლიათ მიირთვავ ჩაი, ყავა, საუზმე ყოველ დილით და შაბათ-კვირასაც კი 11:00 საათიდან.
Black Duck Garden – პლატია კლათმონოს
სიმწვანე, ფოთლების ჩრდილი და ბრწყინვალე პალმის ხეები – ეს ყველაფერია, რაც აღგაფრთოვანებთ. კაფე დილით ადრე იხსნება და შეგიძლიათ შეუკვეთოთ საჭმელი, კოქტეილი. საღამოს კი ცოცხალი მუსიკა მოგემსახურებათ.
Spiti cocktail bar – ხალანდრი
ეს ადგილი იდეალურია დილით ყავის მისართმევად და კარგი მუსიკის მოსასმენად.
Ιπποπόταμος – კოლონაკი
ცნობილმა კაფემ ათენის ძვირადღირებულ უბანში მფლობელი შეიცვალა, თუმცა, ამ ტერიტორიის სიმბოლოდ მაინც დარჩა. აქ არის არაჩვეულებრივი 50-იანი წლების ატმოსფერო და ადგილი, სადაც შეგიძლიათ დაისვენოთ გადატვირთული ქალაქისგან.
Big Spoon – აგია პარასკევი
ყურადღებიანი სტუმარი შენიშნავს ხისგან შექმნილ მაგიდებს, რაც ამ ადგილის განსაკუთრებული ხიბლია.
Six DOGS – მონასტირაკი
სუფთა ჰაერი ქალაქის ცენტრში, ეზო, რომელიც მუდამ ახალგაზრდებითაა სავსე.