ალბანეთში მოკლული კონსტანტინოს კაციფას დედა ბერძნულ მედიასთან საუბრისას ცრემლს ვერ იკავებს. ის ჩივის, რომ საბერძნეთის პრემიერმა, ალექსის ციპრა მას არ ესაუბრა და არაფერში დახმარებია. როგორც ქალი ამბობს, ის კვლავ ელის, რომ პრემიერი ტელეფონზე დაურეკავს.
“რატომ უნდა დარჩეს ჩემი შვილი იქ 10 დღე?” კითხულობს ქალი, რადგან ალბანეთი გარდაცვლილის ცხედრის გადმოსვენებაზე რამდენიმე დღეა უარს აცხადებს.
“ბატონ ციპრას არაფერი გაუკეთებია. არ დაგვხმარებია, მე მას ხმა მივეცი და გვერდში დგომა გამოვუცხადე, მან კი რა გააკეთა. ახლა ის სიტყვებს ვერ პოულობს.”
