ტრაგედია კალითეაში: ხანძრის შედეგად ორი ქალი გარდაიცვალა
დღეს დილით კალითეაში მდებარე მოხუცთა თავშესაფარში საშინელი ტრაგედია დატრიალდა. დაახლოებით დილის 6 საათისთვის შენობაში ხანძარი გაჩნდა, რომლის გამომწვევი მიზეზიც ჯერჯერობით ცნობილი არ არის.
ადგილზე 24 მეხანძრე იყო მობილიზებული, რათა ცეცხლი კონტროლის არეში სწრაფად მოექციათ. მათ სიკვდილისგან 9 მოხუცი იხსნეს. ზოგიერთი მათგანი სუნთქვასთან დაკავშირებული პრობლემებით “Evangelismo”-ს საავადმყოფოში გადაიყვანეს.
თუმცა, როდესაც მაშველებმა ხანძარი მთლიანად ჩააქრეს, შენობის სარდაფში ორი მოხუცი ქალი გარდაცვლილი იპოვეს.
როგორც ჩანს, ცეცხლი სწორედ სარდაფში გაჩნდა, პოლიცია და სახანძრო დეპარტამენტი მიზეზების დასადგენად მუშაობენ.
იხილეთ ვითარება: