55 წლის მამაკაცს საკუთარი შვილის მკვლელობაში ედება ბრალი

როგორც უკვე ცნობილია, პეტრუპოლში მომხდარი ტრაგედიისას, 55 წლის მამაკაცმა საკუთარი შვილის მოკვლა სცადა, ხოლო შემდეგ სახლს ცეცხლი წაუკიდა. გოგონა უგონო მდგომარეობაში საავადმყოფოში გადაიყვანეს, სადაც მოგვიანებით გარდაიცვალა.

თავად მამაკაციც საავადმყოფოში გადაყვანეს. ათენის ხელისუფლებამ მამაკაცს მკვლელობის მცდელობაში დასდო ბრალი, ვინაიდან არცერთი პირის სიკვდილი დადასტურებული არ იყო. როგორც ექიმებმა დაადგინეს, გარდა კვამლით გამოწვეული პრობლემებისა, 18 წლის გოგონას ბასრი საგნითაც ჰქონდა დაზიანებები მიყენებული. მისი მდგომარეობა შეუქცევადობით ხასიათდებოდა.

ხოლო მას შემდეგ, რაც გოგონა გარდაიცვალა, მისი გასამართლების მუხლი შეიცვალა. ამჟამად მამაკაცს შვილის მკვლელობაში ადანაშაულებენ.