სად გამოიმუშავებენ საბერძნეთში 4 მილიონ ევროს ერთ თვეში?

მართალია ბერძნები ამბობენ, რომ ფულის მარტივად შოვნის დრომ უკვე ჩაიარა, თუმცა, ტურისტული სეზონი გვიჩვენებს, რომ ყველაფერი ასე ცუდად არ არის.

ქვეყანაში უფრო და უფრო მეტი ბიზნესმენი ჩნდება და ამავე დროს, მათ გადასახადების გადახდა არ სურთ. საგადასახადო პოლიციის ინფორმაციით, გადასახადების გადაუხდელობა ძალიან გახშირდა.

მაგალითად, მიკონოსზე სანაპიროს ბარებმა 1 მილიონი ევრო გამოიმუშავეს, რაც 50%-ით მეტია, 2016 წელთან შედარებით. თუმცა, ინსპექტორებმა გადაწყვიტეს ეს ყველაფერი შეემოწმებინათ, რადგან ბარების მფლობელებმა მხოლოდ ივლისში 4 მილიონი ევროს შემოსავალი მიიღეს.

საკუთარ შემოსავალს ასევე მალავენ კუნძულ როდოსსა და კორფუზე.

ამჟამინდელი ინფორმაციით, ამ მიზეზით ბარები და რესტორნები დროებით დაიხურა შემდეგ კუნძულებზე: სანტორინი, როდოსი, ნაქსოსი და სკიატოსი.