საბერძნეთში მცხოვრებმა თურქეთის მოქალაქეებმა ხმა კონსტიტუციური რეფორმების წინააღმდეგ მისცეს
თურქეთის მოქალაქეებმა, რომლებიც საბერძნეთში ცხოვრობენ, კვირას გამართულ რეფერენდუმზე ხმა კონსტიტუციური რეფორმების წინააღმდეგ მისცეს. საბერძნეთში მცხოვრები 10,556 თურქეთის მოქალაქიდან ხმა სულ 797-მა მათგანმა მისცა.
797 მოქალაქიდან 22,62%-მა ხმა რეფორმების სასარგებლოდ მისცა, ხოლო 77,38%-მა საწინააღმდეგო პოზიცია დააფიქსირა. გამონაკლისი მხოლოდ ქალაქი კომოტინი იყო, რომელიც ჩრდილოეთ საბერძნეთში მდებარეობს. თურქეთის ცენტრალური საარჩევნო კომისიის ინფორმაციით, აქ თურქეთის მოქალაქეთა უმეტესობამ ქვეყნის კონსტიტუციურ რეფორმებს მხარი დაუჭირა.