დღეისათვის საბერძნეთი იმ ქვეყნებს შორისაა, სადაც ტერორისტული საფრთხე მინიმალურია.
თუმცა, მას შემდეგ, რაც ესპანეთში ტერორისტული თავდასხმის შედეგად მრავალი ადამიანი გარდაიცვალა და დაშავდა, საბერძნეთმა დაცვის სისტემა გააძლიერა. მთავარი ღონისძიებები ტარდება ატიკაში და ყველაზე ცნობილ ტურისტულ კუნძულებზე.
ვინაიდან ტერორისტები თავდასხმებისთვის მანქანებს ხშირად იყენებენ, პატრულირება გაძლიერდა ათენის პოპულარულ ტურისტულ ცენტრებში.
ასევე კონტროლის ქვეშ მოექცა მეჩეთები და ათეულობით ადგილი, რომლებიც ნებართვის გარეშე მუშაობენ.
წლების მანძილზე შეიქმნა საინფორმაციო წყაროები ტერიტორიების მონიტორინგისთვის. პოლიცია ირწმუნება, რომ მუსლიმანები მათთან თანამშრომლობენ, რადგან საკუთარ დიასპორაში მათ რადიკალების ნახვა არ სურთ.
