საბერძნეთი: ქალაქ ელევსინას მერი დანით დაჭრეს

35 წლის შეიარაღებული მამაკაცი საბერძნეთის ქალაქ ელევსინას მერს, გიორგოს ცუკალოსს თავს დაესხა და დანით ორი ჭრილობა მიაყენა.

Skai-ს ინფორმაციით, ინციდენტი შუადღეს, მერის ოფისის ტერიტორიაზე მოხდა. დანით მიყენებული ორი ჭრილობით, ოფიციალური პირი საავადმყოფოში გადაიყვანეს.

ტელეკომპანია აღნიშნავს, რომ თავდამსხმელი მერის ოფისის ყოფილი თანამშრომელია. ის დანაშაულის ადგილიდან გაიქცა, თუმცა, პოლიციამ მოგვიანებით დააკავა.