43 წლის თმის სტილისტმა საკუთარ ბუღალტერს ბიზნეს ანგარიშების შედგენა დაავალა, თუმცა, როგორც შემდეგ, სასამართლო განხილვის დროს აღმოჩნდა, ბუღალტერი წლების მანძილზე არ იხდიდა დღგ-სა და სადაზღვეო გადასახადებს, იმის მიუხედავად, რომ სტილისტი ყოველ თვე აძლევდა მას ამ თანხებს.
ბუღალტერის ქმედების შედეგად, სტილისტს ΙΚΑ-სთვის გადასახდელი 40,000 ევრო დაუგროვდა, ხოლო საგადასახადოსთვის – 6,000 ევრო.
საქმე მაშინ გამომჟღავნდა, როდესაც სტილისტის ერთ-ერთ თანამშრომელს ჯანმრთელობის პრობლემები შეექმნა და მან, ლოგიკურად, ΙΚΑ-ს მიმართა დაზღვევის საკითხზე. თუმცა, სადაზღვეო კომპანიის ინფორმაციით, იგი დაზღვეული არ აღმოჩნდა, რის შემდეგაც, საქმის ვითარება სწრაფად გაირკვა.
როგორც აღმოჩნდა, ბუღალტერი დღგ-ს და სადაზღვეო კომპანიის გადასახადებს 10 წელზე მეტი ხნის განმავლობაში არ იხდიდა.
ლარისას სააპელაციო სასამართლომ 50 წლის ეჭვმიტანილ ბუღალტერს სამწლიანი პატიმრობა მიუსაჯა.
![image23888[4488]](https://georgians.gr/wp-content/uploads/2024/04/image238884488-230x180.jpg "ბერძენი მამაკაცი ხანიიდან მომავალი გემიდან გადახტა - მას რამდენიმე საათია ეძებენ")
