ქალაქში არსებული საერთო სურათი ცხადყოფს, რომ ათენი არც თუ ისე უსაფრთხო ადილს წარმოადგენს საზოგადოებისთვის. მოსახლეობა მუდმივად შფოთავს. რა არის ამ შფოთვის მიზეზი?!
გამოკითხვის მიხედვით, რომელიც საბერძნეთის დედაქალაქში ჩატარდა, მოქალაქეთა 69%-ეშინია, რომ გახდება ძარცვის ან ქუჩაში თავდასხმის მსხვერპლი.
41% აქცენტს აკეთებს სახლების ძარცვაზე, 31,3% მუდმივად შიშობს, რომ ქუჩაში დაესხმებიან თავს, 30,7% კი ფიქრობს, რამდენად უსაფრთხოდ არიან ბავშვები სკოლებსა და სხვადასხვა გასართობ ადგილებში.
ასევე აღსანიშნავია, რომ უმეტესად ქალები გამოხატავენ შიშს მოსალოდნელ საფრთხესთან დაკავშირებით. მათი 16, 7% სექსუალურ შევიწროვებაზე წუხს, ხოლო 12, 2% ფიზიკურ ძალადობაზე.
როცა რესპოდენტებს ჰკითხეს, რას ფიქრობენ საკუთარ ქალაქში გაზრდილ კრიმინალთან დაკავშირებით, 53, 7% პასუხობს, რომ კრიმინალის რიცხვი არ გაზრდილა, ხოლო 38, 6% ფიქრობს, რომ ეს რიცხვი ბოლო ორი წლის მანძილზე გაიზარდა.
კალითეაში, პერისტერიში, ილიუსა და პეტრუპოლის ტერიტორიებზე მოსახლეობას ყველაზე მეტად ეშინია შეიარაღებული ძარცვის.
თუმცა, ბევრად კრიტიკული ვითარება ფიქსირდება ათენის ცენტრალურ უბნებში: ექსარხია, აკადიმიას პლატონოს, პეტრალონა, გიზი, კიფსელი, ლიკავიტო.
