პოლიციამ პლაჟის ფორმით დამსვენებლებში შიში გამოიწვია. ეს ყველაფერი ბულგარეთში, ვარნაში ხდება.
სამართალდამცავები საცურაო კოსტიუმებით, რომელთაც იარაღი ახლავთ, ქვიშაზე მწოლიარე ტურისტებს შორის პოტენციურ დამნაშავეებს ეძებენ.
ოფიციალური განცხადებით, სანაპიროებზე ძალიან ხშირია მობილური ტელეფონების, თანხის და სხვადასხვა ნივთების ქურდობა, საკმარისია ისინი ერთი წუთით მიატოვოთ. ასე, რომ შეიარაღებული პოლიციელები მსგავს ქმედებებს აუცილებლად შეაფერხებენ.
არსებული ინფორმაციით, სანაპიროებზე ქურდობა ბულგარეთში ნამდვილი უბედურებაა. ყოველ წელს აქ ქურდების ჯგუფი მოქმედებს, რომელსაც მოიხსენიებენ, როგორც ”ბრაზილიურ ტალღას”. ისინი იპარავენ ყველაფერს, რისი მოპარვაც შესაძლებელია მსგავს ტერიტორიაზე.
